«Абай әлемі және рухани мұрасы» олимпиадасы (5-11 сыныптар, 2025)

24.11.2025, 4:59

Qaztest.kz онлайн олимпиада ұйымдастыру комитеті қазақтың ұлы ақыны, философы және ағартушысы Абай Құнанбайұлының 180 жылдығына орай, ақынның өмірі мен шығармашылық мұрасын кеңінен насихаттау мақсатында оқушылар арасында VI Республикалық «Абай әлемі және рухани мұрасы» қашықтық олимпиадасын (бұдан әрі – Олимпиада) өткізеді.

Олимпиадаға 5–11 сынып оқушылары қатыса алады. Олимпиада тапсырмалары А. Құнанбайұлының өмірі мен шығармашылығы бойынша беріледі.

Олимпиада qaztest.kz сайтында қазақ тілінде өтеді.

Олимпиада бір кезеңнен ұйымдастырылады. Олимпиада 2025 жылдың 24 қараша мен 24 желтоқсан аралығында өткізіледі.

Қорытындысы 26 желтоқсан күні жарияланады.

Олимпиаданың қорытындысы бойынша жеңімпаздар мен жүлдегерлерге І, ІІ, ІІІ дәрежелі дипломдар, Үздік ұжымдарға арнайы плакетка тағайындалады. Республика бойынша ең жоғары ұпай алған қатысушылар «Жас Абайтанушы» төсбелгісімен және 24–25 ұпай жинаған қатысушылар «Жас Абайтанушы» дипломымен марапатталады.

Олимпиада туралы толық ақпаратты +7 700 978 59 22; +7 775 998 83 87 телефондары арқылы білуіңізге болады.