ҚР Тұңғыш Президенті қоры сыйлығының иегері, үздік қазақ тілді білім сайты атанған Qaztest.kz онлайн олимпиада ұйымдастыру комитеті республикамыздағы мектепке дейінгі ұйым қызметкерлерінің арасында дәстүрлі түрде ұйымдастырылатын V Республикалық «Үздік мектепке дейінгі ұйым қызметкері» олимпиадасының өз мәресіне жеткенін хабарлайды.

Олимпиадаға ағымдағы жылдың 18 қаңтарынан 18 ақпан аралығында республикамыздың барлық өңірлеріндегі мектепке дейінгі ұйым қызметкерлері белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Олимпиада тапсырмалары мектепке дейінгі педагогика, мектепке дейінгі тәрбие мен оқытудың мемлекеттік жалпыға міндетті стандарты, үлгілік оқу бағдарламасы, үлгілік оқу жоспары бойынша берілді.

Олимпиаданың мақсаты мен міндеттері:

1. Мектепке дейінгі ұйым қызметкерлерінің кәсіби біліктілігін арттыру;

2. Мектепке дейінгі ұйым қызметкерлерінің шығармашылық ізденісін дамыту;

3. Олимпиадаға қатысушылардың теориялық және практикалық білімін тексеру арқылы республика көлемінде үздік мектепке дейінгі қызметкерлерді анықтау және оларды марапаттау.

Бұл қашықтық олимпиада барлық өңірлердегі мектепке дейінгі ұйым қызметкерлері еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Олимпида барысында 25 сұрақтық тест тапсырмалары берілді.

Олимпиада ережесіне сәйкес 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 25-23 ұпай

ІІ орын – 22-20 ұпай

ІІІ орын – 19-17 ұпай

Олимпиада жүлдегерлерінің марапаттары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес ең жоғары ұпай алған қатысушылар бір реттік қаржылай стипендиямен марапатталады.

Сонымен қатар, 24-25 ұпай алған қатысушылар «Құрмет грамотасымен» марапатталды.

Маңызды! ОЛИМПИАДА БАРЫСЫНДА ЕРЕЖЕ БҰЗУШЫ ҚАТЫСУШЫЛАР АНЫҚТАЛДЫ

Олимпиада қатысушылары арасында олимпиадаға қатысу ережесінің 4-бөлімінің өрескел бұзылғандығын хабарлаймыз. Ережеде төмендегі бөлімдер жазылған.

4.1. Қатысушы ешкімнің көмегінсіз тапсырмаларды өзі орындауы тиіс;

4.2. Қатысушының атынан өзге біреудің қатысқандығы құрылғының IP адресі арқылы анықталады. Расталған жағдайда қатысушының нәтижесі жойылады;

4.8. Координатор өзінің жеке парақшасы арқылы бір немесе бірнеше адамды қатыстыра алады (бір ұжымнан ғана қатыстыруы тиіс);

Ұйымдастыру комитеті нәтиже шығарарда қатысушылардың нәтижесін IP адресі арқылы тексеріп, бір адамның бірнеше адамның атынан қатысқандығы анықталды. Ережені өрескел бұзған қатысушыларға қатаң ескерту жасаймыз және стипендия иегері бола алмайтындығын хабарлаймыз.

СТИПЕНДИЯ ИЕГЕРЛЕРІ

Ескерту! Стипендия иегерлерін анықтауда олимпиада тапсырмаларын жылдам орындаған және 18 ақпан күнгі сағат 23:59-ге дейінгі қатысушылардың нәтижесі есепке алынды. Дедлайннан кейін қатысқан қатысушылардың нәтижесі алынбайды. Олимпиада және сайт қолдану ережесінің 4-бөліміне сәйкес олимпиадаға қатысушының атынан басқа адамның қатысуына қатаң тыйым салынады. Осы ережені бұзған қатысушылардың нәтижесі тізімге енгізілмегенін тағы да хабарлаймыз.

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз.

Құрметпен Qaztest.kz олимпиада ұйымдастыру комитеті