V Республикалық Е.Бекмаханұлы атындағы Қазақстан тарихы олимпиадасының қорытындысы (мұғалімдер)

20.03.2023, 12:27

ҚР Тұңғыш Президенті қоры сыйлығының иегері, үздік қазақ тілді білім сайты атанған Qaztest.kz онлайн олимпиада ұйымдастыру комитеті қазақтан шыққан тұңғыш тарих ғылымдарының докторы, профессор, ҚазКСР ҒА-ның корреспондент-мүшесі Ермұхан Бекмаханұлының өмірі мен ғылыми мұрасын насихаттау мақсатында мұғалімдер арасында дәстүрлі түрде ұйымдастырылатын V Республикалық Е.Бекмаханұлы атындағы Қазақстан тарихы қашықтық олимпиадасының өз мәресіне жеткенін хабарлайды.

Олимпиадаға ағымдағы жылдың 6 ақпанынан 17 наурыз аралығында республикамыздың барлық өңірлеріндегі білім беретін мекемелердегі Қазақстан тарихы пәнінің мұғалімдері мен колледж оқытушылары белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Қатысушыларға олимпиада тапсырмалары Қазақстан тарихы пәнінен, Е.Бекмаханұлының өмірі мен ғылыми мұрасы және тарихты оқыту әдістемесі бойынша берілді.

Олимпиаданың мақсаты мен міндеттері:

1. Қазақтан шыққан тұңғыш тарих ғылымдарының докторы, профессор Ермұхан Бекмаханұлының өмірі мен ғылыми мұрасын насихаттау;

2. Мұғалімдердің кәсіби біліктілігін арттыру және оларды қолдау, ынталандыру;

3. Республикамыздағы үздік тарихшы ұстаздарды анықтау және оларды марапаттау.

Бұл қашықтық олимпиада барлық өңірлердегі білім беретін мекемелердегі Қазақстан тарихы пәнінің мұғалімдері мен колледж оқытушылары еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Қатысушыларға 25 сұрақтық тест тапсырмалары берілді.

Олимпиада ережесіне сәйкес ақтық кезеңде 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 25-23 ұпай

ІІ орын – 22-20 ұпай

ІІІ орын – 19-17 ұпай

Олимпиада жүлдегерлерінің марапаттары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес республика бойынша ең жоғары ұпай алған үздік тарихшы ұстаздар «Ноқталанған тарихшы. Ермұхан Бекмахановтың шерлі тарихы: деректі ғұмырнама» кітабымен марапатталады.

Сонымен қатар, олимпиадада ең жоғары нәтиже көрсетіп, 24-25 ұпай алған қатысушылар «Құрмет грамотасымен» марапатталады.

 

СЫЙЛЫҚ ИЕГЕРЛЕРІ

 

Үсенов Рустем

Облыс: Түркістан облысы

Қала: Ордабасы ауданы

Мектеп: Исламқұлов ат. ЖББОМ

Мейрбекова Молдир Танатаровна

Облыс: Түркістан облысы

Қала: Ордабасы ауданы

Мектеп: М Исламқұлов атындағы жалпы орта мектебі

Таскынова Гулбаршын Елемесовна

Облыс: Түркістан облысы

Қала: Отырар ауданы

Мектеп: «Шеңгелді» ОМ

Айманов Бауыржан

Облыс: Маңғыстау облысы

Қала: Түпқараған ауданы

Мектеп: Ақшұқыр мектеп-лицейі

Ахмет Әбдіманап Абдуллаұлы

Облыс: Түркістан облысы

Қала: Отырар ауданы

Мектеп: М.Әуезов ат. ОМ

 

Ескерту! Сыйлық иегерлерін анықтауда 17 наурыз күнгі сағат 23:59-ға дейінгі қатысушылардың нәтижесі есепке алынды. Дедлайн уақытынан кейін қатысқан қатысушылардың нәтижесі есептелмейді.

 

Жеңімпаздың аты-жөні:

 

Облыс, қала, аудан, ауыл:

 

Үй және пәтер нөмірі:

 

Индекс:

 

Ұялы телефоны:

 

 

Маңызды! Сыйлық иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз. 

Қатысушылар ақпаратының құпиялылығы қатаң сақталады.

Мекен-жайларыңыздың және басқа да ақпараттарыңыздың дұрыстығы сыйлықтарыңыздың дұрыс баруына әсер етеді. Қате берілген мекен-жайлар үшін олимпиада ұйымдастыру комитеті жауап бермейді.

Qaztest.kz сайты оқушылар мен мұғалімдерге олимпиада ұйымдастыру барысында тек тест өткізуді мақсат етпей, отандық ғылымның дамуына үлес қосқан тұлғаларымыздың есімін насихаттауды мақсат тұтады.

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз.

Құрметпен Qaztest.kz олимпиада ұйымдастыру комитеті