Үздік қазақ тілді білім сайты – Qaztest.kz онлайн олимпиада ұйымдастыру комитеті Абай атындағы ҚазҰПУ-мен жасалған меморандум аясында бастауыш сынып оқушыларының білім деңгейін тексеру және оларды қолдау мақсатында өткізілген V Республикалық «Қазақстан үміті» қашықтық олимпиадасының өз мәресіне жеткенін хабарлайды.

Олимпиадаға ағымдағы жылдың 11 наурызынан бастап 13 сәуір аралығында республикамыздың барлық өңірлеріндегі білім беретін мекемелердегі 2-4 сынып оқушылары белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Қатысушыларға олимпиада тапсырмалары қазақ тілі, математика, дүниетану және жаратылыстану пәндері бойынша берілді.

Олимпиаданың мақсаты мен міндеттері:

1. Бастауыш сынып оқушыларының білім деңгейін анықтауға мүмкіндік жасау;

2. Күрделі деңгейлі тапсырмаларды орындау арқылы оқушылардың коммуникативті-ақпараттық дағдыларын дамыту;

3. Республикамыздағы озат оқушыларды анықтау, оларға қолдау көрсету және марапаттау.

Бұл қашықтық олимпиада барлық өңірлердегі білім беретін мекемелердегі 2-4 сынып оқушыларына еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Қатысушыларға 25 сұрақтық тест тапсырмалары берілді.

Олимпиада ережесіне сәйкес 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 25-23 ұпай

ІІ орын – 22-20 ұпай

ІІІ орын – 19-17 ұпай 

Олимпиада жүлдегерлерінің І, ІІ, ІІІ дәрежелі дипломдары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес республика бойынша ең жоғары ұпай алған қатысушылар «Қазақстан үміті» төсбелгісімен және 24-25 ұпай жинаған қатысушылар «Қазақстан үміті» дипломымен марапатталады.

Ескерту! «Қазақстан үміті» дипломы қатысушылардың жеке парақшасында сақталады және электронды почтасына жіберіледі.

«ҚАЗАҚСТАН ҮМІТІ» ТӨСБЕЛГІСІ ИЕГЕРЛЕРІ

Ескерту! Жеңімпаздарды анықтауда 13 сәуір  күнгі сағат 23:59-ға дейінгі қатысушылардың нәтижесі есепке алынды. Дедлайн уақытынан кейін қатысқан қатысушылардың нәтижесі есептелмейді.

Маңызды! Төсбелгі иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз.

Қатысушылар ақпаратының құпиялылығы қатаң сақталады.

Мекен-жайларыңыздың және басқа да ақпараттарыңыздың дұрыстығы марапаттарыңыздың дұрыс жеткізілуіне әсер етеді. Қате берілген мекен-жайлар үшін олимпиада ұйымдастыру комитеті жауап бермейді.

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз.

Құрметпен Qaztest.kz олимпиада ұйымдастыру комитеті